အိပ်ဆောင် နှစ်ထပ်တိုက် နှစ်လုံး ၊ ရုံးခန်းတစ်ခန်း ၊ စာသင်ကျောင်းဆောင် တစ်ခု၊ အလုပ်ရုံတစ်ခု ရှိတဲ့ သင်တန်းကျောင်းဟာ အစိုးရထောက်ပံ့ကြေးကလွဲလို့ ကျန်တဲ့ဝင်ငွေ မရှိပါဘူး။ အလှူငွေအရနည်းတဲ့ကျောင်းဖြစ်ပါတယ်။ သင်တန်းကျောင်းမှာ ဆယ်တန်းကျောင်းသူ ကိုးယောက်နဲ့ ကိုးတန်းကျောင်းသူ နှစ်ဆယ်လောက်ရှိပါတယ်။ တစ်လကိုကျောင်းစရိတ် ရှစ်သိန်းခန့်ကုန်ကျနေပါတယ်။ နေ့စဉ် ထမင်းတစ်နပ်ကို အားလုံးအတွက် ၃၀၀ကျပ် ခန့်သာရပါတယ်။ အခုလက်ရှိကျောင်းသူတွေက ၅ နှစ်ကနေ ၁၈ နှစ်ထိပဲပြီး အပြင်ကရောက်လာတဲ့ မိန်းကလေးများမဟုတ်ကြဘဲ ဆေးရုံ၊ လမ်းဘေးတို့မှာ ပစ်သွားတဲ့ကလေးတွေကို ပထမအဆင့် ရွှေဂုံတိုင် ကလေးပြုစုရေးဌာနကနေ လက်ခံစောင့်ရှောက်ထားပြီးနောက် အသက် ငါးနှစ်ကျော်ရင် မရမ်းကုန်းကျောင်းကိုလွှဲပါတယ်။

ကျောင်းအုပ်ကပြောစကားအရ အလှူမတိုင်ခင်ညက ကလေးတွေမအိပ်လို့မေးကြည့်တော့ မုန့်ဟင်းခါးစားရမယ်ဆိုလို့ မနက်မှာ ဘယ်နှစ်ပွဲ စားကြမယ်စသည်ဖြင့် စိတ်ကူးယဉ်နေလို့မအိပ်ကြသေးတာပါလို့ ပြောတယ်လို့ သိရပါတယ်။ မုန့်ဟင်းခါးမစားရတာ အတော်ကြာပြီဖြစ်လို့ ကလေးငယ်များအလွန်ပျော်ရွှင်ကြပါတယ်။

အလှုရှင်များအားလုံးကို မှာ ကျေးဇူးတင်ရှိပါကြောင်းနှင့် အလှုအတွက် ပီတိဖြစ် အမျှပေးဝေ၊ သာဓုခေါ်ဆိုနိုင်ရန် အသိပေးတင်ပြလိုက်ရပါတယ်။